06 June 2007

An tIonchoisne Nua

Bhí an méid seo, agus níos mó, le rá ag an Speallaire i bhFoinse na seachtaine seo:
Is deacair ag an Speallaire ciall a bhaint as an scéal faoi dhrogall, más fíor, Aoife Ní Thuairisg leagan 'aerach' den chlár Paisean Faisean a chur i láthair. Dúradh i nuachtáin áirithe go raibh fadhb ag Ní Thuairisg leis an gcoincheap de bharr a creídimh mar Fhinné láivé nó go raibh sí buartha faoin nglacadh a bheadh ag cuid dá muintir agus cairde, ar den chreideamh céanna iad, lena leithéíd de chlár. ... Shílfeá go ndéanfaí gach iarracht an scéal a cheilt, nó ar a laghad droim láimhe a thabhairt dó? ... Idir an dá linn, tá drochíde cheart á fháil ag Ní Thuairisg ar shuímh idirlín áirithe ... Tá súil ag an Speallaire go gcuirfidh Ní Thuairisg, duine dos na láithreoirí is cumasaí amuigh, an scéal seo ina cheart go luath.


Tá scríofa agam mar seo leanas chuig Foinse:
A Chara,

Tagraím do dheacrachtaí an Speallaire a thuiscint go mb'fhéidir go mbeadh deacrachtaí coinsiasa más fíor, ag Aoife Ní Thuairisg leagan 'aerach' den chlár Paisean Faisean a chur i láthair.

Ní Fhinné Iáivé mise, agus níl sé i gceist agam labhairt thar a gceann. Ach is mó duine eile a chreideann go hionraic go bhfuil gníomhartha homaighnéasacha mícheart.

Ní fheicim gur leithcheal éagórach a bheadh ann do dhuine mar sin seasamh siar ó chlár nach mbeadh siad ar a shuaimhneas faoi.

Ach is follasach gur leithcheal agus sárú saoirse a bheadh ann iachall a chuir ar dhuine feidhmiú i gcoinne a gcoinsias.

Níl dada le chuir ina cheart ag Ní Thuairisg. Ach b'fhéidir go bhfuil ag an Speallaire!



Feictear dom go bhfuil ionchoisne nua ann. Is homaifóibeach agus eiriceach aoinne nach bhfuil sásta glacadh le saol gníomhach homaighnéasach mar "rogha folláin, nádúrtha".

Cháin "Human Rights Watch" an Pápa Benedict - as an bonn a bhaint ó faoi teaghlaigh, murar mhiste leat! A choir ná teagasc traidisiúnta na hEaglaise a chraobhscaoileadh.



Aguisín. Theip ar r-phost chuig nuacht@foinse.ie; n'fheadar an bhfaighidh siad in aon chor é.

Aguisín II. Fuair siad tar éis an tsaol é; agus foilsíodh é.

5 comments:

Séamas Poncán said...

Seol tríd an bPost é, in ainm Dé! Tá an ceart agat. Is féidir go bhfuil na póilíní PC níos measa in Éirinn fiú ná mar a bhíonn siad anseo. Go n-éirí leat.

aonghus said...

Bhain mé triall as r-phost eile. Ach gach seans go seolfaidh mé le post na seilidí chomh maith é.

Anonymous said...

Ar bhuail mé leatsa ar an DART cúpla mí ó shin, a hAongus ? Bhí tú ag léamh Foinse nó iris eile ag an am agus bhí cómhrá againn. Ar an drochuair, ní raibh go leor ama agam, mar sin ní raibh mé ábalta do sheoladh ríomhphoist a fháil.

aonghus said...

is dócha é, a dhuine anaithnid!

aonghusoh ag gmail ponc com

Mag Ruairc said...

Gabhaim pardún as an neamhainmníocht ! Ní raibh mé cinnte gurbh tusa an fear céanna. Bhí buntáiste agam toisc go bhfuil do shonraí phearsanta go léir ar do bhlag.

Beidh mé i dteagmháil ar ríomhphost.

GRMA,
Pól.