27 March 2008

Ar na mná atá an locht?

Bhí alt san Irish Times inniu, ag tagairt do suirbhé san Examiner.

Is cosúil go gcreideann sciar suntasach den phobail go bhfuil cuid den locht ar bean má éignítear í. Toisc í bheith gléasta go míchuí. Nó ólta. Nó dul in áit nár cheart di dul léi féin.

Cuireann tuairimí mar sin cantal, déistin agus colg orm. Coir tromchúiseach is ea éigniú. Cuir leis an dochar atá ann maíomh go bhfuil cuid den locht ar an íobartach.

Gníomh foréigneach atá i gceist. Réabadh idir chorp agus anam. Ba cheart caitheamh leis mar a chaitear le dúnmharú.

Ná géilltear orlach dos na ropairí drúiseacha. Is cinneadh an duine a dhéanann coir, coir a dhéanamh. Bíodh an fhreagracht air agus ná cloistear brilléis den tsóirt leithscéalach seo dó.

2 comments:

Rosie said...

scríobhas féin píosa mar gheall ar an alt céanna, Aonghus. chur sé an-lagmhisneach orm.

aonghus said...

Táimse idir dhá chomhairle anois. Sílim go raibh an suirbhé abhairín amhrasach, go rabhthas ag lorg an sórt aischothú a fuarathas.

Leigh mé píosa John Waters inniu, a bhí ag teacht cuid mhór leis an alt úd le Blakkat ar nasc tusa leis.

Seasaim leis an méid a scríobh mé thuas, áfach.

Agus, dar ndóigh, ach gach aoinne cloí leis an seú aithne ní bheadh aon debhrí ann... ;-).

Tá céimeanna ann, agus doléireacht.
Ach....