24 March 2008

Fáilte (athuair) roimh Mholtoirí

Bhuel, seo ag blagadóireacht arís mé ó tharla an Charghas a bheith thart.

Feicim go bhfuil comórtas A29 de chuid an Oireachtais ann anois do "Blagáil" (is fearr liom féin blagadóireacht, níl fhios agam tuige. Samhlaím gnímh le -dóireacht seachas le -áil...ní háil liom -áileanna).

Tá sé i gceist agam cuir isteach agus ó tharla é beith sonraithe sna rialacha go ndéantar postáil ar an mblag ó 1 Márta 2008 go 30 Meitheamh 2008, is é seo an céad mhír cáilithe don moltóireacht.

Tá moladh (agus buíochas) ag dul do Oifig na Gaeilge ITBÁC atá ag cuir duaischiste fiúntach de €1000 ar fáil.

Tá súil agam go mbeidh iomaíocht ghéar ann.

Is deisceabal de chuid Francis Bacon mé sna cúrsaí seo:

Tríd léamh a déantar duine iomlán,
Tríd comhrá duine ullamh,
Tríd scríobh duine cruinn


Tá an trí rud i gceist le blagadóireacht....ach tá gá le slua maith blagadóirí chun go mbeadh comhrá idirbhlagach ann.

2 comments:

Míshásta said...

Blagadóireacht v Blagáil.

Dream fíor-choimeádach is ea lucht an Oireachtais - an chuid is mó acu ar aon nós. Ní dóigh liom go bhfuil mórán taithí acu ar an dtéarmaíocht beo atá in úsáid sa bhlagasféir.

Clár 2007 atá á thaispeáint acu fós ar suíomh an Oireachtais dála an scéil.

Rosie said...

ná bí buartha, Míshásta, ní bheidh rud ar bith coimeádach faoin gcomórtas seo :-)