01 April 2008

Daonlathas Ioslamach

D'fhorbair an Chríostaíocht córás daonlathach polaitíochta a raibh meas fós aige ar an gcreideamh. Tá páirtithe Críostaí Daonlathacha i ngach cuid den Eoraip, agus tionchar ag fealsúnaithe Críostaí Daonlathacha ar réimse níos leithne.

Má tá dóchas ann don síocháin domhanda, caithfidh Daonlathas Ioslamach teacht ón Domhan Ioslamach. Níl mé cinnte an féidir a léithéid a bheith ann - níl an "Fág ag Caesar na rudaí ar le Caesar iad" neadaithe chomh cinnte céanna san Ioslam.

Ach má ta dóchas ann, is le hAKP na Túirce a luíonn sé. Cúis imní mar sin go bhfuil buanaíocht Ataturcach na Túirce ag iarraidh an AKP a chuir faoi chos - tríd na cúirteanna. Seo pairtí a bhuaigh an toghchán go daonlathach, le sciar mhór den phobail ag tacú leo.

Ach is tír ait í an Túirc. Amharcann an t-arm orthu féin mar caomhnóirí na bunreachta "saolta" - in aghaidh an phobail má gá. Tá baol coup san aer i gconaí.

Mar sin, seans go gcuirfear an AKP - pairtí an Rialtais - faoi chos, agus go mbeidh cosc ar a gceannairí seasamh arís. Beidh deireadh ansin le h-aon dóchas an Túirc a nascadh leis an AE agus síocháin a chothú thoir mar a déanadh thiar.

Baol dúinn ar fad sin.

3 comments:

Séamas Poncán said...

Mar a thuigim an scéal, tá an pháirtí a bhuaigh an toghchán ag iarradh obair Attaturk a chur faoi chois, agus Sharia a thabhairt isteach. Tá siad ag baint cearta ó na mná agus ag cur níos mó den Muslamachas isteach sna dlithe.

EiseamláIr níos fearr atá ann. An Iaráic. Nó fiú an Phacastáin - ach tá an fhadhb chéanna chun tosnú ansin, b'fhéidir.

Cheapfaí go n-aontaíonn tú le GWB faoin daonlathas. Bí cúramach!

aonghus said...

Cad air a bhfuil an tuiscint sin bunaithe?
"cur níos mó den Muslamachas isteach"

Más é sin toil an phobail, sin mar is ceart. Ní gá, ach é fhorbairt, gur droch rud atá ann.

Ní dóigh liom gur féidir an Iaraic ná an Phacastáin a áireamh mar tíortha daonlathacha. Fós, pé scéal é.

Caithfidh daonlathas fós ón dtaobh istigh - ní féidir é thrasphlandú.

aonghus said...

fás, seachas fós...