10 April 2008

Seacht mhíle sé chéad fiche seacht ponc a trí móide haon ponc a dó cúig sin...

Seacht mhíle sé chéad fiche seacht ponc a trí, uaireanta.

Sé sin, má tá uimhríocht snámhphointe ar ríomhaire i gceist.

An chúis atá leis seo ná go bhfuil líon na ngiotán in úsáid teoranta - mar sin, tá tacar teoranta d'uimhreacha snámhphointe ar féidir iad a léiriú.

Is é IEEE 754 an chaighdeán is coitianta in úsáid.

De réir mar a éiríonn na huimhreacha níos mó, éiríonn an bearnaí idir na huimhreacha inléirithe níos mó freisin, agus bíonn earráidí slánúcháin ann.

Is féidir le hiarmhairtí tubaisteacha a bheith ann dá bharr.

Mar a rianaítear san alt seo, ba siocair báis de 28 saighdiúir fabht dá leithéid i ngéarchéim na murascaille i 1991.

De bharr go raibh an córas stiúrtha do diúracáin den déanamh Patriot ag léiriú am le uimhir simplí snámhphointe, mhéadaigh an míchruinneas le himeacht ama.

In imeacht ocht n-uaire ó bheith lasta, bhí earráid 0.0275 s san t-am. Ní mór sin, ach is leor é chun earráid 55 m a bheith is stiúradh an diúracáin. I ndiaidh 100 uair, bhí earráid 687 m i gceist. Agus b'shin an earráid a raibh mar iarmhairt air gur theip ar an diúracán diúracán eile d'aimsiú - agus mharaigh an Scud sin na saighdiúirí.

Tá bealaí thart ar seo. Ach caithfear cúram a dhéanamh de réimse na luachanna a bheith ag aon athróg in aon chóras ríomhaireachta, agus airí an léiriúcháin a chuir san áireamh go cúramach.

3 comments:

RG said...

Maith thú a Aonghuis, níor léigh mé a leithéid riamh in aon teanga agus bhí orm smaoineamh faoi ar feadh soicind, ach tá mé níos eolaí anois!

MBM said...

Sin é.

Bhí cás cáiliúil ann le déanaí nuair a aimsíodh fabht den chineál céanna in Excel:

http://www.joelonsoftware.com/items/2007/09/26b.html

aonghus said...

Ach aontaím le Joel ar an gceann sin - ní gheobhaidh aoinne bás!