16 May 2008

Éireannach san Spás?

(An spásaire Gearmánach Hans Schlegel ag "siúl san Spás" Íomhá le hESA)

Ós ag caint ár mbráithre eachtardhomhanda atá mé, tá Gníomhaireacht Spáis na hEorpa ag lorg spásairí don gcéad uair le seacht mbliana déag. Pléadh an cheist ar RnaG ar maidin fiú!
Bernd den tuairim go bhfuil caolseans go mbeadh Éireannach i measc an líon bheag duine a roghnófar.
Ar shlí, tá an cheart aige - scothaicme amach is amach iad spásairí. Le bheith curtha san áireamh fiú bheidh ardéirim aigne, scileanna faoi léith agus sláinte an bhradáin de dhíth.
Ach tá súil agam go bhfuil daoine amuigh ansin a dhéanfaidh iarracht. Tá na poist seo ag an mbuaic tábhachtach, toisc go spreagann siad daoine óga le tabhairt faoi na heolaíochtaí agus innealtóireacht.
Tá, agus beidh, scoth na n-eolaithe riachtanach dár todhchaí uilig.



Aguisín: Meabhraíonn Fearn dhom go raibh Éireannach san Spás cheana: Deir Roinn an Taoisigh (uimhir 46) gurb é Michael Collins an chéad Éireannach san Spás. Bhí sé ar an gcéad eitilt chun an ré, cé nár thuirling sé uirthi.

5 comments:

MBM said...

Déan dearmad ar an chéad Éireannach sa Spás. Cathain a fheicfidh muid an chéad Ghaeilgeoir sa Spás?

aonghus said...

Ceist mhaith.

Cá bhfios? Níl fonn ormsa.

Fearn said...

Creid é nó fág id dhiaidh é, ACH bhí Éireannach cheanna sa spás. Meiriceánach éigin a ghlac saoránacht Éireannach amach a bhí ann: ní heol dom a ainm.

aonghus said...

Hmm.

Tá an fear seo ann a thug cineál éireannach ar féin.
Tá Dan Tani pósta ar bhean as Corcaigh.

Deir Roinn an Taoisigh (uimhir 46) gurb é Michael Collins an chéad Éireannach san Spás.

fearn said...

An Cóilíneach!
Sin an boc a bhí mé chuige.