11 August 2009

Tobar filíochta Northhampton

Mheabhraigh an alt seo san Irish Times dom go bhfuil dornán leabhair le Dónall Mac Amhlaigh ar mo leabhragán agam.

Taitníonn an greann dorcha i Schnitzer Ó Sé liom go hairithe, na slaiseanna seoigh dírithe ar lucht pinn na Gaeilge - é féin ina measc. Tá cuir síos ann ar Amhlaoibh Mac Dónall "nach féidir leis bollóg scillinge a cheannach gan scríobh faoi".

Is mór an trua, más fíor, nach bhfuil teacht ar a shaothar níos mó. Beidh orm tochailt agus roinnt acu a athléamh.

Is scannal é nach bhfuil leabharlann chuimsitheach de saothair i nGaeilge le teacht éasca orthu, ar a laghad i mBÁC - agus ba cheart a leithéid a bheith i mBéal Feirste, Gaillimh agus Corcaigh chomh maith. Cá bhfuil Andrew Carnegie na Gaeilge?

4 comments:

Dennis King said...

Tá cóip den leabhar sin agam áit éigin anseo... Sea, seo é, in aice le _Beoir Bhaile_. Bhain mé taitneamh astu i bhfad ó shin.

Maidir le Carnegie na Gaeilge, chuirfeadh seisean na leabhartha go léir ar fáil dúinn i riocht digiteach. Tarlóidh sé sin.

An Cainteoir Dóchais said...

Aontaim le gearán na leabharlann agat a Aonghu(i)s! Dá mbeadh milliún euro le spáráil agam, chuirfinn fondúireacht ar bun faoi choinne a leithéide.

aonghus said...

Tá fiúntas le tuairim digiteach Dennis. Ach chun é dhéanamh i gceart, sílim go mbeidh L spás fíor de dhíth chomh maith le ceann fíorúil.

ormondo said...

Tá Andrew Carnegie na Gaeilge ar a(n) m(h)achaire gailf ag déanamh aithrise ar lucht airgid na dtíortha Béarla eile.