17 November 2009

Ich Hab' Noch Einen Koffer In Berlin



alt spéisiúil ag Torlach Mac Con Midhe san Times inniu. Dar leis:
Níl plean ar bith le feiceáil san atógáil nua; níl aon phlean amháin cuimsitheach do Bheirlín. B’fhéidir go bhfuil sé de chinniúint ar Bheirlín bheith ina chathair ollmhór meigleamáineach i gcónaí riamh, áit a mhothaíonn an gnáthdhuine go bhfuil gach tábhacht ag baint leis na foirgnimh agus nach bhfuil an iomad sin tábhachta ag baint leis féin ná lena shaol.
Anois, chaith mise tréimhse sách fada de mo shaol i mBeirlín. Nó, le bheith cruinn, i Hakenfelde, Prenzlauer Berg agus Pankow. Mar is mar sin a amharcann muintir Beirlín ar a gcathair - maireann gach aoinne ina Kiez fhéin. Is ann atá a theach tabhairne, a shiopa nuachtáin, a bháicéir - riachtanais uile an tsaoil. Agus is sna ceantair atá aghaidh daonna na cathrach le feiscint.

Is fíor gur réabadh an croí ó lár na cathrach san cogadh, agus de bharr deighilt na cathrach ina dhiaidh bhí an iliomad stroighinleach agus fásach i croí lár na cathrach. Potsdamer Platz an ceann ba mheasa. I ndiaidh an aontais, tógadh ceathrú nua ann - ceathrú ar teampall de chuid an chaipitleachas atá ann, ag adhradh Sony agus Daimler Benz. Is fíor gur deacair ról an saoránaigh a fheiceáil ann. Ach ní sin Beirlín! Agus cá bhfios nach ndaonófar é - is stroighinleach eile atá in Alexanderplatz. Ach tá cuimhní cinn agus cion dá réir ag pobal na cathrach air.

Agus tá, freisin, roinnt iarsmaí den Bheirlín uasal ann - mhair roinnt foirgnimh ar Unter den Linden. An tArdeaglais, abair. Nó an Staatsoper. Agus is seod atá san Gendarmenmarkt.

Go deimhin, buaileann "Heimweh" chuig Beirlín mé ó am go chéile!

Ich Hab' Noch Einen Koffer In Berlin

6 comments:

Dennis King said...

buaileann "Heimweh" chuig Beirlín mé ó am go chéile!
Ní leor Heim amháin don duine cultúrtha sa lá atá inniu ann. Iltíreachas abú!

Séamas Poncán said...

Tá leabhar agam ó na seascaidí luatha, German for Americans. Tá alt ann faoin mBeirlin. Dúirt an t-údar, pé rud a tharlaíonn di, bíonn an Bheirlin ina cathair dhomhanda i gcónaí. Níos mó ná riamh le fiche bliain anuas, buíochas le Dia. Ach is deacair an méid sin dochar a chur ina cheart go tapaidh, fós féin.

Fearn said...

Bíonn seanbhaile ag duine, ach thiocfadh dó iomad baile a bheith aige ina dhiaidh sin. Agus is dóigh go mbíonn a chumha ag dul le geach ceann acu.

"Iltíreachas"? Cad é sin go baileach? Siopadóireacht chultúrtha?

ormondo said...

Ailtireacht chathair Berlín: idir áilleacht agus ghránnacht déarfainn.

Agus amhail cathracha eile
níl an phleanáil uirbeach ró-iontach i gceantair áirithe.

An said...

Tuigim go hiomlán dhuit maidir leis an Heimweh sin. Cibé áit a raibh tú i do chónaí ar feadh tamaill i do shaol, fanann sé i do chroí. Tá Heimweh nó dhó den saghas seo agamsa freisin agus, gan dabht, beidh Éire ar cheann acu lá amháin.

An Cainteoir Dóchais said...

An Cainteoir Dóchais a scríobh an freagra deireanach -- agus Enter brúite de thaisme aige sular éirigh leis an deabhail leasainm a chríochnú!