06 December 2009

Féile San Nioclás

Atá ann inniu. Lá mór do phaistí ar Mhór Roinn na hEorpa. Leanann muid an nós anseo, agus d'aimsigh na páistí bronntanais bheaga ina cuid bróga ar maidin.

Is iomaí finscéal naofa maidir le Nioclás Myra a luaitear freisin le Bari, toisc gur tugadh a thaisí ann. Dhá scéal ach go hairithe a nascann é le nós bronntanas do phaistí. Tuairiscítear gur shábháil sé triúir iníon fir a bhí go domhain i bhfiacha ó bheith díolta mar cumhala. Mar a léiríonn pictiúir Fra Angelico thuas, chaith sé meall óir isteach tríd an bhfuinneog agus d'fhuascail an teaghlach ón sáinn.

Tá scéal ann freisin gur thug sé trí bhuachaill thar nais ón mbás. Bhí búistéir cam tar éis iad a mharú agus rún aige a cuid feola a dhíol - bhí gorta san tír.

Patrún na loingseoirí é, agus is minic Eaglais cois cósta tiomnaithe dó. Mar shampla, i Rinn Ó gCuanach, Port Láirge agus i gCionn Sáile, Contae Átha Cliath. Is minice iad ar an Mór Roinn.

Lá mór atá i Oíche Féile San Nioclás san Ísiltír.

Is minic ar an Mór Roinn go roinneann duine fásta, gléasta mar San Nioclás bronntanais. Is minic go mbíonn compánach aige - Knecht RuprechtKrampus, atá freagrach agus pionós a ghearradh ar pháistí dalba.



Íomhá ón ngnáth foinse.

2 comments:

crosbhealaí said...

Na déan dearmad ar an nGaillimh. Tá Séipéal Coláisteach San Nioclás ansin ag Eaglais na hÉireann, áit a rabhas inné, agus rinne siad céiliúradh ar an naomh ag an Eocairist, agus íocón deas de os comhair an altóra.

Tá an Ardeaglais Chaitliceach sa chathair (a tógadh sna 60idí) tiomnaithe don Mhaighdean Mhuire agus do San Nioclás beirt. Arís, toisc go bhfuil calafort sa chathair, agus é mar phátrún ag mairnéalaigh....

aonghus said...

Go raibh maith agat as sin. Is beag m'eolas ar Ghaillimh, mar sin ní dearmad ach aineolas a bhí ann!