03 December 2009

Stuaim, staonadh agus SEIF

De bharr go raibh Lá Domhanda SEIF ann, bhí scéalta go leor sna meáin faoi SEIF.

Ina measc, scéal san Irish Times a luaigh go raibh an ráta ionfhabhtaithe ag ardú arís, go hairithe i measc fir óga a mbíonn caidreamh collaí acu le fir. Dream a cheapfá a bheith fós ar an eolas faoin mbaol. Ach tá patrún mar seo ann - luaitear san alt seo ag Mercator.net go bhfuil galar gnéas-tarchurtha ar cailín as gach ceathrar sna déaga.

Bhí raic uafásach ann nuair a dúirt an Pápa ar a shlí go dtí an Afraic nach leigheas iomlán iad coiscíní ar SEIF. Ach tá eolaíocht taobh thiar dá thuairimí: Athrú iompar an cosaint is fearr.

(Tráthúil go raibh Dennis ag lorg leagan ar staonadh collaí!)

Ní hé nach laghdaíonn coiscíní baol an ionfhabhtaithe le SEIF. Laghdaíonn - ach iad a úsáid i gceart agus go leanúnach. Ach bíonn "díláithriú baoil" ann freisin. Téann daoine sa tseans, toisc go gcreideann siad cosaint éigin a bheith acu.

Is deacair a chreidiúint nach eol don aos óg an baol a bheith ann. Is fíor nach bhfuil an ard céanna ar SEIF cionn is go bhfuil cóir leighis ann a mhaolaíonn an tionchar uafásach. Ach fós féin, ba cheart go mbeadh fhios ag gach duine óg go bhfuil malartú páirtnéirí collaí baolach. Níl deacracht teacht ar choiscíní, mar sin ní dóigh liom gurbh sin an toisc go bhfuil an ardú seo ann.

Dar ndóigh, tuigtear go forleathan go bhfuil an córas ABC tábhachtach - Staonadh, beith dílis, nó coiscíní. Bheinn fhéin ar son béim ar "A" agus "B", gan amhras.

Ach tá an sochaí báite i gcollaíocht chomh maith - theip ar taighdeoirí teacht ar aon fear óg nach raibh úsáid éigin bainte aige as ábhar pornagrafaíochta.

Tharla réabhlóid collaí de bharr an piolla frithghiniúna, agus leath creideamh gurbh ann don comhriachtain gan iarmhairtí. Finscéal baolach!

6 comments:

Dennis King said...

Bí go maith, agus mura féidir leat a bheith go maith, bí cúramach.

Dubhaltach said...

SEIF! SEIF!
Tá na meáin ag caint faoi SEIF!
Tá na méain agus an tír ag caint faoin eaglais agus an fonn a bhíonn ar chuid mhaith dá bhaill cros Dé a shá suas thóin agus pit cailíní óga.

Cailliomachas said...

Chuala Earnán de Blaghd leaids óga ag scigireacht taobh thiar de chlaí lá agus é i gCorca Dhuibhne ag foghlaim Gaeilge i dtús a chéid seo caite. Shíl sé fáil amach cad a bhí ar bun. Agus fuair. Ag léamh codanna áirithe de Chúirt an Mheáin Oíche a bhí siad agus ag baint an sult astu. Tá an scéal i gceann de na leabhair aige ach ní cuimhin liom cén ceann.

Fearn said...

An bhfuil duine ann gan fhiosracht?

Nach fiosracht collaíochta an phornaghrafaíocht?

aonghus said...

Baineann Cúirt an Mheanoíche le samhlaíocht agus fiosracht cinnte.

Agus pornagrafaíocht freisin. Ach tá barraíocht fiosrachta baolach!

Tá gaois san méid a deir Dennis.

@Dubhlatach. Is fíor sin freisin. Ach meáin an Domhain a bhí i gceist agam seachas an tirín seo amháin a bhí i gceist agamsa. Gnó tromchúiseach mífhreagracht an chliarlathas cinnte, agus iad ag cosaint coirpigh. Scríobh mé sin áit eile, sa mhéid agus atá ar mo chumas mar ball den Eaglais atá smálaithe ag an gnó seo, agus mar duine atá croíbhriste agus craite air.

Ach ní ar moráltacht a bhíos ag trácht anseo ach ar chiall ceannaigh agus eolaíocht.

Fearn said...

"tá barraíocht fiosrachta baolach!"

Tá, muise, más fíor don bhéarla, maraíonn sé na cait.

Ach le bheith dáirire faoi, is toise an duine an fhiosracht; agus is saibhride dó lei ná ina héagmuis.

Is saol fíorúil é dul le pornagrafaíocht, ach monuar, cé hé an duine nach luíonn faoi chathú anois is arís?