26 April 2010

Fánaíocht Fileata


Mheabhraigh dán Nuala Ní Dhomhnaill dom go bhfuil leabhar dá cuid ar mo leabhragáin le fada. Fuaireas thiar i dtús na nóchaidí é, nuair a bhí sí ag Féile Litríochta i Pankow, i mBeirlín na Gearmáine. Feis an teideal atá air. Agus mé ag póirseáil tríd arís - tar éis na blianta, bhí sé san dara rang ar na leabhragáin - tháinig mé ar dhán faoi siúlóid i Loch a'Dúin. Thug mé féin cuaird ar an ngleann úd thiar sa bhfómhair.
Laistiar de Bhaile Uí hÓinín
i ngleann i measc na gcnoc
tá faill dhubh os cionn loch a' Dúin
is eas ar Abha na Scóraide.

Tugtar ana bhlas sa dán ar siúlóid teaghlaigh chuig an gleann, agus an fiannaíocht a ghabhann leis. Ag deireadh an lae:
Faoin am seo bhí sé ag éirí fuar
is bhí daoine ocrach
is faoin am go rabhamair ag casadh abhaile
bhí cuid againn cancrach

Is chualathas mo chéile ag rá ina theanga féin
"Na fiafraigh d'fhile cá bhfuil an bóthar go Baghdat.
Léimfidh a samhlaíocht thar íor na spéire
is raghaidh tú amú sa phortach"

Is iomaí seod deá sníomhta eile atá sa leabhar.

6 comments:

ormondo said...

Go hiontach.

An uaitse an grianghraf?

Dála an scéil, ar chuala tú an clár seo faoin bhfile: http://www.rte.ie/radio1/scribhneoiri/1134232.html ?

grá faoi ghruaim said...

Ní oibríonn an nasc,

aonghus said...

Is liom. Ghlac mé é agus mé thiar um Fómhair sa cheobhrán!

A Neidí, bain trial as an nasc seo

http://www.rte.ie/radio1/scribhneoiri/1134232.html

Nó an nasc eile a bhí i gceist agat?

Níor chuala mé na cláracha úd ach anois is arís agus mé sa chistin. B'fhéidir go ndeanfaidh mé iad a íoslódáil - nó go gceannóidh mé an leabhar a scríobh Alan Titley bunaithe orthu!

grá faoi ghruaim said...

ní oibríonn do nasc - thug mé féin cuairt

aonghus said...

Tuigim, go raibh maith agat. Tá guta fada ann; ní oibríonn sin i gcónaí. Beidh orm é dheisiú.

aonghus said...

Ba cheart go mbeadh an nasc ag obair anois.