02 June 2010

Caoimhín agus an Lon Dubh


I measc na scéalta faoi Caoimhín, tá an scéal faoin uair a raibh sé ag guí lena ghéag sínte amach. Bhí sé ag urnaí chomh fada sin gur thóg lon dubh nead ina lámh oscailte, agus bheir ubh ann. B'éigean dó fanacht gan corraí gur rugadh an gearrcach! Tá an dealbh thuas ar an gcosán ós cionn cillín Chaoimhín. Scríobh Séamas Heaney dán faoin eachtra.

Aguisín: ag leanacht nod ó Dennis, fuair mé é seo ag Celt: (Betha Caoimhgin ó Bethada Náem nÉrenn)
Do-cóidh Caoimhgin isin chorgus i c-cró cáolaidh for leic luim ina shesamh caigtighis ar mís, & é a c-crois-fighill ar Dhia. Ro ling lon i n-glaic in érlaimh, & do-rinne nead, gur léicc na h-éoin amach.

Agus tá leagan eile den scéal anseo:

Beatha Caoimhghin Glinne Da Lach sunn do reir mar sgriobh manach fa disciobal do féin dar ainm Solamh .i. et sgriobhthar anso i maill friom-sa, Aodh Ó Dalaigh, an t-aonmadh lá fiothchad do mi Ienaredh anno Dom. 1725 a m-Baille Atha Cliath.


Agus, gan amhras, tá an scéal ag Cambrensis. (Aire: PDF!)

9 comments:

Mise Áine said...

Rinne tú jab maith ar Imeall anocht, a chara...:-)

Dennis King said...

Scéilín breá a fuair muid ó Ghiraldus Cambrensis. Ní dóigh liom go bhfuil sé in “Vita Sancti Coemgeni” ná in “Betha Caimgin”. Níl mé cinnte.

aonghus said...

@Áine GRMA.

@Dennis: bíonn áibhéil i gceist le scéalta Ghearóid fiú thar mar a bhíodh san naomh seanchas, nach mbíonn?

ormondo said...

Táim díreach tar éis féachaint ar "Imeall" agus ba mhaith liom a rá gur píosa breá proifisiúnta atá ann - an-jab déanta agat!

Go h-ealaíonta ar fad suíomh an agallaimh - an iarsmalann clodóireachta é?

ormondo said...

recte: "iarsmalann chlodóireachta"

aonghus said...

@Dennis

D'aimsigh mé (sílim) tagairt i Bethada Náem nÉrenn. Aguisín curtha agam leis an méid thuas.

aonghus said...

@Ormondo

Freagra iomlán i mír nua!

Dennis King said...

Ro ling lon i n-glaic in érlaimh, & do-rinne nead...

Go bhfága Dia do mheon taighdeach agat!
:-)

aonghus said...

Táim buíoch díot as an nod. Shíl mé féin gurbh béaloideas a bhí i gceist.