11 July 2010

Gaimbíní glice gaelacha Gearmánacha


(Giota de bhileog Lidl. An rud ar fad anseo. Aire PDF ~ 5MB)

Rinne muid roinnt mhaith siopadóireachta i Lidl sa Daingean agus muid thiar. Thug mé suntas don mbileog seo - go hiomlán i nGaeilge, agus dírithe go sonrach ar mhná tí na Gaeltachta, a bhfuil an dualgas trom orthu scata déagóir a bheathú ar bheagán airgid! Bhí giota i nGaelscéal faoi. Dúirt urlabhraí ón gcomhlacht go raibh"meon Éireannach" ag Lidl in Éirinn. Ní aontaím leis. Is léir go bhfuil ceachtanna foghlamtha go glé ag an mbainistíocht anseo ón mháthair-comhlacht Ghearmánach. Ceachtanna a bhaineann le margaíocht cliste, tóir ar chustaiméirí agus éifeacht! Ní "TOITD" atá anseo, ach caitheamh leis an nGaeltacht, agus na mná tí, mar mhargadh ar leith ar fiú aird a thabhairt air. Mo ghreidhn iad!

7 comments:

Fearn said...

Is ionadh dom a dhaoire is atá na hearraí ar "thairiscint" acu!

aonghus said...

Is fada as Éireann tú, mar sin!

coc said...

TOITD?

coc said...

Tuigim anois i ndiaidh Gúgláil. Caithfidh tú Gaeilge a chur anois air áfach!

Mise Áine said...

Tá Lidl, Aldi agus Supervalue againn anseo - millte atáimid!

Dubhaltach said...

Cén praghas atá acu i gcéin a Fhearn

Fearn said...

"Cén praghas atá acu i gcéin a Fhearn"

Cuir suas liosta: dhá earra ar a mhéid agud déanfaidh mé iarracht fáil amach.

Nó d'fhéadfá an idirlíon a usáid.

"Is fada as Éireann tú, mar sin"

Ró-fhada!