04 August 2010

Blúirín: Tost

Píosa deas ag Gabriel Rosenstock san Irish Times inniu.

Labhramar faoi choim
Mise is an saoi.
Nocht rún an tsaoil dom, ar mé,
Fuist, ar sé. Lig don chiúnas
Rún an tsaoil a nochtadh dhuit.
(Rumi, aistrithe ag Gabriel Rosenstock, as Guthanna Beannaithe an Domhain , Iml. 2)

Bíonn sé sách deacair ciúnas a aimsiú don anam....

4 comments:

Fearn said...

Cuireann sé focal Mheister Eckehart, fear do theanga eile, a Aonghais; agus a bhí suas aimsir Rumi, in iúl dom.

"Níl a shamhail de Dhia ar an saol seo ach an tost."

Dennis King said...

An é sin le rá gur chóir do lucht an chreidimh éirí as a bheith ag seanmóireacht do dhaoine eile?

Sin é mo léamh féin ar a thost (le cor cainte a chur as a riocht beagáinín beag), ar aon nós!

aonghus said...

Ní dóigh liom é; tá an dá rud ann. Tost le athnuachan, ach bheadh sé mínádúrtha eolas a chreideann tú atá ar leas daoine eile a cheilt orthu.

Pé ar bith é, ní lucht creideamh amháin a bhíonn ag craobhscaoileadh a dteagasc. Ní leasc le dreamanna eile an dlí a úsáid lena dtuairimí a bhrú ar lucht creidimh! Agus a rá nach bailí cinneadh daonlathach pobal, toisc go mb'fhéidir go raibh baint ag creideamh leis an gcinneadh sin...

Fearn said...

"Sin é mo léamh féin ar a thost (le cor cainte a chur as a riocht beagáinín beag), ar aon nós!"

Ní thuigim thú. Cén léamh agat?