26 September 2010

Draighean Mara

Sú agus Subh ón Draighean Mara
Fásann an Draighean Mara go fairsing ar chósta Muir Bhailt sa Ghearmáin; go háirithe ar oileáin Rügen agus Hiddensee. D'fhoghlaim mé ó Flóra Corca Dhuibhne go bhfásann sé ar na Machairí sa Leith Triuch chomh maith. Thug Lord Ventry (cé eile) ann as Sasana é, áit a bhfuil an sceach dúchasach. Daingníonn an sceach dumhcha, agus tugann cosaint dá réir don gcósta. Níor thug mé faoi ndeara ann fós é. Is dócha pé scéal é nach mbíonn a dóthain gréine abhus chun go mbeadh fómhair fiúntach sméara ann. Ach ba foinse tábhachtach vitimín C iad san oir Ghearmáin - i bhfoirm subh nó sú agus uisce tríd. Is breá liom féin an blas úr searbh atá air. Ach níl teacht air abhus - tháinig an dá rud thuas anonn le mo mháthair céile. Bíonn orm ciondáil a dhéanamh air, mar sin...

6 comments:

Dennis King said...

Is cosúil go bhfuil suim ann abhus anseo.

aonghus said...

Spéisiúil.

An bhfuil sé feicthe agat thall?

grá faoi ghruaim said...

B'fhéidir go bhfuil sé ar fáil i siopa a ndíolann earraí ó oirthear na hEorpa.

Dennis King said...

An bhfuil sé feicthe agat thall?

Ní go fóill. Ach tá's agam cá bhfuil ceann acu, más fíor don alt sin.

Mise Áine said...

@ 'Bíonn orm ciondáil a dhéanamh air'

Bíonn blás an an mbeagán, a Aonghuis...:-)

aonghus said...

@GfG

Má tá, is i ngan fhios domsa é; agus bím sna siopaí úd ó am go chéile.