11 December 2010

Blúirín: Wikileaks - tá amhras orm fós!

Julian Assange (ón gnáth fhoinse)
Ní dóigh liom gurbh é seo namhaid an phobail, mar atáthar ag maíomh thall. Ar an gcéad dul síos, is mithid smaoineamh nach bhfuil i Julian Assange ach aghaidh phoiblí Wikileaks - ag feidhmiú mar seoltóir tintrí do fhearg na Rialtais. Seachtain corrach a bhí ann, le Paypal agus Mastercard ag tarraingt a seirbhísí ó Wikileaks - agus iad an ansin faoi ionsaí ag bhradgníomaithe dá bharr. Bhí pro agus contra spéisiúil ag Mercator.net ar an gceist. Agus anois tá machnamh acu ar eitic na ceiste.
Maidir leis na cúiseanna atá curtha i leith Julian Assange sa tSualainn, bhí alt spéisiúil san Irish Times inné; rud a chuir ag athmhachnamh arís mé maidir leis na cúiseanna seo - cúiseanna atá deacair a chruthú nó a bhréagnú pé scéal é. Tá sé suntasach áfach go bhfuil sé de cheart ag na mná sa chás ionadaíocht dlí dá gcuid féin a bheith acu, neamhspleách ar an ionchúisitheoir stáit, agus go bhfuil sé de cheart acu an dara tuairim a lorg i gcás mar seo - rud a mhíníonn b'fhéidir an chúis gur athosclaíodh an chás. Bheinn go láidir i bhfabhar córas mar é abhus.

Tá ceisteanna casta, spéisiúla ag eascairt as geall le gach gné den gcás seo; agus sílim go mbeidh forbairt i ndán don sochaí dá bharr - chun feabhais i ngnéithe airithe, chun donais i ngnéithe eile...

Tá rud amháin cinnte, mar a d'fhoghlaim CLG ar na mallaibh - má tá sonraí ar ríomhaire, tá siad in-sceite go héasca!

3 comments:

ormondo said...

Bheadh sé ní ba fhearr dá ndéanfadh lucht wikileaks scagadh dian ar an méid a fhoilsíonn siad.

Ach i ndeireadh an lae, is léir gur measa fós iompar na rialtas ná a samhlaíodh riamh.

Bíonn ceannairí na Iarthair de shíor ag déanamh seanmóireachta mar gheall ar "fhorlámhas an dlí"... agus iad féin lastuas de a luaithe a oireann sé dóibh.

http://www.spiegel.de/politik/ausland/0,1518,733748,00.html

Suimiúil go leor gur ar éigean a chuireann na drochghníomhartha a nocht wikileaks as do na daoine a bhíonn ag cáineadh gur nochtadh iad.

Agus nach bhfuil sé dlite do Chaitlicigh go gcuirfí na fírinní seo ar fáil dóibh? http://www.irishtimes.com/newspaper/breaking/2010/1211/breaking3.html

aonghus said...

Bhí na fírinní sin againn cheana; sean scéal agus caonach air atá ann.

Pléadh go forleathan abhus é ag an am.

Seán said...

Tá amhras orm fá Wikileaks, ach b'fhéidir nach bhfuil an t-amhras céanna mar atá ortsa. Tá amhras orm fán chás ghnéis (sceilpín gabhair? patsy?) fosta; áfach, anois tá an-spéis agam i stair de Assange agus de Wikileaks. Mar shampla, na sifearphuncaí, spiaireacht, priobháid, a mhéid atá baint ag na gréasáin faisnéise le Wikileaks.