24 February 2011

Imbolc 2011: Naoise Ó Conchubhair : Cruinneas cló

Bhí Naoise Ó Conchubhair i measc na gcainteoirí ag Imbolc. Rinne sé cuir síos ar a ghrá don chlóghrafaíocht; grá a d'fhorbair sé agus é ag staidéir na healaíona san Coláiste Náisiúnta Ealaíne agus Dearthóireachta agus go háirithe le linne tréimhse Erasmus in Ollscoil na nEolaíochtaí Feidhmeacha i Lahti sa bhFionlainn. D'éirigh leis a chuir ina luí orainn le chaint spleodrach an dúil atá aige sna litreacha, ach iad a bheith cruinn, ceart, cuanna.

Labhair sé ansin ar shaothar Michael Biggs - a spreag a dhúil i cló Gaelach deá dheartha. Dar leis gur droch chóipeanna ar dhrochshamplaí is ea an cuid is mó den gcló Gaelach a fheictear anois. (N'fheadar cén tuairim a bheadh aige de na samplaí anseo - sílim gur saothar Bhiggs atá san sampla seo)

Is as an ghrá agus spéis seo a d'fhás a thogra céime: an cló "insular", bunaithe ar pheannaireacht na manach. Tá gnéithe suntasacha ag baint leis an gcló seo, atá ceaptha bheith úsáidte mar cheannlínte seachas do téacsanna níos faide. Shocraigh sé nasclitreacha a dhearadh seachas na consain bhuailte atáimid cleachtaidh orthu. Shocraigh sé freisin ar leaganacha ar leith de litreacha áirithe - "b", "t" agus "g" mar shampla, a dhearadh le n-úsáid do téacsanna i nGaeilge agus i dteangacha eile. 

Caint thar a bheith spreagúil: agus caithfidh mé a rá freisin gur thug sé máistir-rang i conas feidhm cheart a bhaint as Power Point!

6 comments:

Dennis King said...

An-suimiúil. Go raibh maith agat as an mblagmhír seo! Tá áthas orm go bhfuil Naoise ag dearadh litreacha, cé nach dtaitníonn a nasc-litreacha chomh mór sin liom. Feictear dom gur gimic atá iontu níos mó ná aon rud eile.

aonghus said...

Tá tuairimí láidre aige ar an ábhar! Ach, mar a deirim, is cló do ceannteideal - "display font" ata i gceist aige seachas do théacsanna.

Dubhaltach said...

Bhí ard-am agaibh ó dheas. Go raibh maith agat as na léirmheasanna faoi Imbolc.
An bhfuil a fhios agat cathain a bheidh siad le feiceáil ar an idirlíon?

aonghus said...

Níl. Ach a luaithe is fhaighim scéala, beidh sé le léamh anseo.

Naoise said...

Áthas orm gur bhain tú taitneamh as mo chur i láthair a Aonghus. Bhain mé féin an-taitneamh as an deireadh seachtaine.
Denis tá aiféala orm nach dtaitníonn na nasc-litreacha leat, ach ní aontaím le do thuairim gur gimmick atá iontu. Ó thús stair an chló-gaelaigh feictear samplaí de nasc-litreacha aisteacha mar dhlúthchuid den chló. Ní mhíneoidh mé anseo cén fáth nár bhac mé leis na litreacha buailte ach bealach deas a bhí sna nasc-liteacha tagairt a dhéanamh don traidisiún sin.

aonghus said...

@Naoise,

bhí sé tharr barr!