26 February 2011

Scéalta Oireachtais foilsithe ag Litríocht

Mar rLeabhair, agus iad ar fáil saor in aisce.

Tá siad sealbhaithe agamsa, ach ní raibh deis agam iad a léamh fós, seachas scéal Sheáin: breis mar gheall ar sin ar ball. Is mar PDF cosanta atá na scéalta ar fáil: sé sin, ní féidir aon chuid den téacs a chóipeáil. Sa mhullach ar sin, ní féidir iad a chlóbhualadh - rud nach bhfuilim ró thógtha leis, mar ní maith liom níos mó na leathanach nó dhó a léamh ar scáileáin. Ach tuigim gur dócha gur gá é dhéanamh mar sin ar mhaithe le cosaint cóipchirt. Tá m'ainm agus seoladh ar gach leathanach den eagrán a fuair mise - cosaint bhreise ar bhradaíl, is dócha.

Tá beagán díomá orm nach ndearnadh aon eagarthóireacht ar na scéalta - tá an cuma air nár déanadh ach na leaganacha a sheol na húdair isteach a chuir i bhfoirm PDF. Is trua sin - mar níl an leagan amach iontu feiliúnach i gcónaí don léamh ar scáileáin.

Mar sin féin, tá Litríocht le moladh as dlús a chuir le modh nua foilsitheoireachta - tá rLeabhair á chuir ar fáil ag Cois Life le tamall, go háirithe do shaothar atá as cló, ach freisin d'ábhar nua, fearacht Aiséirí le Alex Hijmans.

5 comments:

Dave Mc said...

Tá sé deacair do thuiscint cén fáth go bhfuil siad cosanta nuair atá siad saor in aisce! Go raibh maith agat don heads-up.

An Cainteoir Dóchais said...

Mar a tharlaíonn, tá mo Kindle nua-ordaithe ar a bhealach chugam tríd an phost faoi láthair agus tá mé ag súil le tús a chur le ré nua i mo shaol, ré na léitheoireachta leictreonaí! (Beidh Cois Life ag déanamh brabúis díom as seo amach, is cosúil...)

aonghus said...

Beidh mé ag súil le do léirmheas ar gléas agus scéalta, mar sin!

Míshásta said...

Cheannaíos "Aiséirí" ar líne. Is féidir é a léamh ar ghnáth pc, ní ghá léitheoir fé leith a bheith agat.

Ana-léamh.

Mise Áine said...

Go raibh maith agat, a Aonghuis!

@ 'Beidh mé ag súil le do léirmheas ar gléas..'

Mise, freisin.