06 February 2011

Scrabble as Gaeilge - léirmheas

Mar ar chríochnaigh an dara cluiche
Fuair mé Scrabble as Gaeilge mar bronntanas (mall) Nollag cúpla seachtain ó shin. Tá dhá chluiche imeartha agam le mo mhac go dtí seo. Tá taithí againn araon ar Scrabble as Béarla agus as Gearmáinis.

Bhraith muid araon go raibh sé níos deacra an leagan seo a imirt - cé gur bhain muid beirt scór measartha ard amach - thart ar 200 an duine san dá cluiche. Bheadh sin mórán mar a bheadh sna leaganacha eile againn.

Bhraith muid go raibh easpa gutaí fada ann. Agus go bhfuil i bhfad barraíocht "h"-anna. Deich gcinn.   Deacracht ar leith is ea gur beag focal a thosaíonn le h - ach gur minic a mbíonn deireadh le focal ar h. Fágann sin poill sa chlár ar deacair iad a líonadh. Is dócha go dtiocfaidh na scileanna riachtanacha do Scrabble le breis taithí - bheith in ann cuir le focail; agus go háirithe stór maith focail le dhá litir iontu a bheith ag duine chun poill a líonadh. B'éigean dúinn éirí as an dá chluiche agus roinnt litreacha ar an beirt againn fós - "h"-anna don gcuid is mó.

Mar sin féin, bhíos sásta go maith leis an gcluiche, agus tréaslaím le Glór na nGael as é chuir ar fáil.

Tá sé ar fáil ar €18 ó udar.ie agus ó na siopaí leabhair Gaeilge.

10 comments:

SeoFocanIontach.com said...

Bhraitheas an rud céanna faoi na diabhal h-aitcheanaí! Chuir sé as dom féin is dom dheirfiúr go mór! Tá sé sách deacair leis na sínte fada chomh maith. Seans go mbeadh sé níos fearr mura mbeadh aon síneadh fada luaite ach go mbeadh cead agat é a bheith ann nó as san fhocal. Ní fheadar conas mar ar tháinig siad ar mhinicíocht na litreacha? Más rud é go ndeacaigh siad tríd an bhfoclóir is gach focal a chur san áireamh ní mé an seo an tslí is fearr le tabhairt faoi mar go mbíonn an oiread sin comhfhocal agus h-anna dá réir ann. Conas mar a éiríonn leis an Deutsch? Níl séimhithe acu siúd áfach.

aonghus said...

Níl.

Tá Umlaut acu - (macasamhail guta fada).

Tá Gearmáinis líofa againn araon, mar sin ní bhíonn deacracht againn.

Ceist cleachtadh atá ann sílim.

Néidí said...

Tá 8 ag dul don é. Nach bhfuil mé éasca!

aonghus said...

Bhí orm é sin a léamh faoi dhó. Bhí "mé" éasca, agus luachmhar san ionad sin! (8 +4) x 3 = 36! (Ní mé a fuair, faraor)

Néidí said...

an tusa a chur an m ar fáil dó chun an mé/éadan a fháil. Ar bhuaigh sé go héasca

aonghus said...

Is dócha é. Ach mise a scríobh "éadan"

Níor dhein - bhí muid beagnach ar comhscór, ach bhí mí ádh agam leis na litreacha i dtreo deiridh.

Cailliomachas said...

D'imir mé féin cúpla uair thar an Nollaig agus thaitin sé liom. Ach ar nós aon chineál Scrabble ceist ádh go minic é. Ná ní fheicim go bhfuil aon bhac na rialacha a lúbadh (ach aontú a fháil roimh ré) agus urú agus / nó tuiseal ginideach a cheadú, agus aimsir chaite etc. (chun na h=anna a úsáid). B agus P a láimhseáil cuid mhaith den chluiche Gaeilge, braithim.

aonghus said...

"B agus P a láimhseáil cuid mhaith den chluiche Gaeilge, braithim."

Ach iad a fháil!

Is cinnte gur fusa fáil réidh leo ná le Q agus Y an Bhéarla.

John said...

Léirmheas maith. Ní raibh a fhios agam go raibh an cluiche le fáil. Cuireann sé iontas orm go bhfuil 8 bpointe le fáil don "é". Is dócha go bhfuil córas áirithe luach na litreacha a mheas, ach cheapfainn go mbeadh "é" níos fusa le cur i bhfocal Gaeilge ná "j" sa Bhéarla.

Mise Áine said...

@ Ceist cleachtadh atá ann sílim.

Sin é, cheapfainn féin.

Tá an cluiche agam, ach táim ag fanacht go dtiocfaidh cuairteoirí le Gaeilge - agus le foighid!