Glórtha an Tráthnóna

Tharraing Raven Books ar Bluesky m'aird ar an leabhar seo, ar chúis éigin níor thuig mé é a bheith ann. I gcomhthéacs Women in translation month (mí Lúnasa) a rinne sí amhlaidh. Bhí sé i gceist agam m'fheachtas léitheoireachta féin a dhéanamh, ach ar an ndrochuair d'éirigh mé tinn. Ar aon nós, cheannaigh mé an leabhar, ó Raven Books mar a tharlaíonn. 

Scéal teaghlaigh shaibhir san Iodáil roimh, le linn agus i ndiaidh réimeas an fhaisisteachas agus an dara cogadh domhanda, agus scéal grá éagmaise - nó ar a laghad grá a raibh gach leath den lánúin ag iarraidh rud éagsúil. 

Díríonn sleachta ar ball amháin den teaghlaigh, ag léiriú stair siadsan. Sa chaoi go gcuireann na sleachta diaidh ar ndiaidh le tuiscint níos iomláine ar an méid a tharla.

Ansin ar deireadh scéal mná atá dóite i ngrá le mac de chuid an teaghlaigh. Níl uaidh siúd ach craiceann agus caidreamh éadomhain. Pósadh agus buaine atá uaithi siúd. Ach é bheith fírinneach. 

Sár obair déanta arís ag Máire Nic Mhaoláin chun an scéal seo a thiontú ón Iodáilis go Gaeilge shaibhir ach soléite. 

Leabhar eile ar charn na n-aistriúchán fiúntacha. 

Caighdeán maith san earra féin, mar is dual do Éabhlóid. 

GLÓRTHA AN TRÁTHNÓNA

Natalia Ginzburg 

Aistrithe ag Máire Nic Mhaoláin

Éabhlóid 

Mo chuisle ag preabadh, mo chroí i mo bhéal...

Coir scéinséir atá anseo. Ní cérinneachán ná fiú conssarinnechán atá ann. Tá sé soiléir go maith go bhfuil dúnmharú i gceist, agus cé hé an fealltóir. Don triúr ban atá lárnach sa scéal ar aon nós. Beirt acu, aint agus neacht, a bhfuil bua ar leith acu bás a thuar. An tríú bean, cara leis an íospartach. 

Lonnaithe sa cheantar thart ar Gaoth Dobhair. Tagann an tríú bean aníos as Baile Átha Cliath le freastal ar shochraid a cara. Lóistín aici leis an mbeirt eile. Atá sa cheantar le fada, toisc iad a bheith corr, dar lena dteaghlaigh, de dheasca an bua atá acu a chuireann ag gol iad nuair atá bás le bheith sa cheantar. Agus i riocht níos measa nuair is anbhás atá le bheith ann. 

Ar an iargúil, tá siad sásta go maith. Beo ar fás agus díol luibheanna agus glasraí. 

An chaidreamh idir an triúr a iompraíonn an scéal, agus a n-amhras faoi bhás na céad mná. Leisce orm aon scéalmhilleadh a dhéanamh - fágfaidh mé fúibh féin é a léamh. 

Mar a dúirt léirmheastóir ar RnaG, tá neart cainte ar bhia agus béilí agus an suíomh a chruthú go mall fáilí, go dtí go dtagann luas agus teannas faoin scéal i dtreo deireadh. 

Thaithin sé go mór liom. Lonnaithe san lá atá inniu ann, tamall tar éis an phandéim. 

Ní bean mé (na Seán) - ní thig liom mar sin dearbhú go bhfuil meon na mban ceaptha go cruinn aige. B'fhearr sin a fhágáil faoi na mná. Ach tá an insint inchreidte domsa. 

Mar a dúirt léirmheastóir amháin ar RnaG, tá neart trácht ar bhia agus ar bhéilí. Chuirfeadh sé ocras ar dhuine....

⭐ ⭐ ⭐ ⭐ ⭐ 

Sí 

Seán Ó Muireagáin 

Éabhlóid 

ISBN 978-1-914482-27-4