22 January 2011

Giota Gaeilge

Fógra lasmuigh de Teach Tábhairne FXB,
Baile na Manach, Co. Átha Cliath
Bím idir dhá chomhairle nuair a fheicim fógra mar seo. Tá siad le moladh gan amhras, as giota Gaeilge a chuir in airde. Ach nílim cinnte faoin "chughat" sin, agus tá an modh fhoshuiteach éalaithe uatha. Dá mbeadh mo phroinn caite agam san áit, b'fhéidir go mbeadh moladh - agus moladh leasaithe - bronnta agam orthu. Ach ní raibh mé ach ag siúl thart...

12 comments:

Mise Áine said...

Agus céard faoin gcustaiméir bocht nach gcreideann i nDia!

Arís eile, claontacht ar phár?

aonghus said...

Ceist mhaith: ach nár cheart glacadh le beannacht mar seo sa chaoi inár tugadh é, i. ag iarraidh maith duit?

Go háirithe ceann mar seo, ina bhfuil sé dodhéanta fios a bheith agat roimh ré cé a léifidh?

An gá do lucht adhartha Dé a dtuairimí a cheilt an eagla dreama eile?

Sin, anois claontacht á bhrú chun cinn, dar liom!

Dennis King said...

Ní chreidim, ach tá mé sásta “buíochas le Dia”, “le cúnamh Dé”, etc. a rá mar sin féin, agus D mór scríobh mar bharr ar an donas! Nach aisteach sin?

aonghus said...

Ní dóigh liom é; tá tú ag tabhairt urraim don gcultúr as ar fáisceadh an teanga, dar liom.

Bheadh sé saorga a bheith ag iarraidh leaganacha eile a bhrú chun chinn d'aon ghnó - cé go bhfeictear dom go dtiocfaidh forbairt (measartha) nádúrtha ar leaganacha nua, ach pobal iar-Chríostaí a labhraíonn Gaeilge a bheith ann.

(Deirimse fós "In ainm Chroim" nuair a bhuaileann racht feirge mé - ach ní ghéillim do Chroim!)

Mise Áine said...

'tá tú ag tabhairt urraim don gcultúr as ar fáisceadh an teanga'

Suimiúil. An 'urraim' nó 'béas' atá ann, meas tú?

'go dtiocfaidh forbairt (measartha) nádúrtha ar leaganacha nua'

Le cuidiú Cé...:-)

aonghus said...

Béas atá sna leaganacha cinnte; ach is urraim atá Dennis ag tabhairt don bhéas a fuair sé roimhe.

Mise Áine said...

'Béas atá sna leaganacha cinnte; ach is urraim atá Dennis ag tabhairt don bhéas a fuair sé roimhe.'

Raibh tusa i gcomhluadar Mary Hanafin le gairid...:-)

aonghus said...

Go bhfóire Dia orm má bhí....níor thug mé faoi ndeara é. Ag iarraidh bheith cruinn atáim, ní Íosánachúl!

Mise Áine said...

@ 'Íosánachúl!'

?

aonghus said...

http://www.thefreedictionary.com/Jesuitical

Féach míniú uimhir 2.

Mise Áine said...

Cásaisteacht, dar le focal.ie - focal nua eile dom. focal suimiúil, go deimhin...:-)

Míshásta said...

"Íosánachúl"

"focal nua domsa"

Agus domsa leis, cé gur thuigeas cad a bhí i gceist.

Is anseo ar an mblagtacht atá an teanga liteartha á forbairt, ambaist.

Ach níor thuigeas an tagairt do Holy Mary.