07 September 2010

Cuid an bhodaigh thall ar an mbodach abhus

Feictear dom gurbh sin atá i gceist le urraíocht Ghaelscéal ar Chorn Uí Riada de chuid an Oireachtais.

Tuigim go bhfuil ardú próifíl de dhíth ar Ghaelscéal, agus go mba cheart dóibh a bheith i lár an aonaigh ag an Oireachtas.

Ach ag deireadh an lae, níl anseo ach airgead á bhogadh ó phota amháin de chuid an Fhorais chuig pota eile. Tá an bun deontas don Oireachtas gearrtha siar ag an bhForas i mbliana: an sórt cúiteamh ata i gceist leis an urraíocht seo?

Chuireadh sé soir mé go raibh an Foras ag déanamh urraíocht ar Ros na Rún (an bhfuil fós?)

Cheapfá go mbeidh urra éigin lasmuigh de photaí cúnga airgid na Gaeilge le fáil do bhuaic an Oireachtas. Lemsip, abair?

Mura bhfuil, is bocht an tuar é.


Ó Bhannister a fuaireas an teideal leasaithe, seachas a bheith ag tarraingt Peadar agus Pól isteach sa scéal.

4 comments:

Dennis King said...

Tá nath céanna ag Maolmhaodhóg Ó Ruairc in éindí leis na cinn seo:

cuid den chadhain seo a chur sa chadhain úd eile

tuí na háithe a chur ar an muileann

Is fíormhaith liom an dara ceann.

aonghus said...

Ana dheas cinnte, ach sílim nach bhfuil baileach an bhrí céanna leis - gníomh gan fiúntas tuí a bhí le dó a chuir ar mhuileann, nach ea?

Dennis King said...

Nó an tuí a bhí ar dhíon na háithe a chur ar an muileann.

aonghus said...

Tá ciall leis sin, níos mó céille ná sa bhrí a bhain mise as. Níor thug mé an aird cheart ar "ar", is léir.