11 October 2007

Riachtanas an Spáis Bháin

Léitear foinse clár ríomhaireachta i bhfad níos minice ná má a scríobhtar an chód.

Go deimhin, níl i gcód ach cumarsáid. Ar an leibhéal simplí, leis an ríomhaire. Ach ní hé sin an gné is tábhachtaí. Ní bheidh aon doiléire san comhad dénártha a thiomáinfidh an ríomhaire. Ach ní gá go mbainfear amach aidhm an ríomhchláraitheora!

Mar sin, is gá go mbeadh an cód inléite; ag an ríomhchláraitheoir féin, ag an foireann profa, agus ach go hairithe ag an foireann cothabhála.

Mar is gnách, siad na mionrudaí is tábhachtaí:

Is féidir leithéidí
Másmóafábnácfáddéaneésinnódéanf
a scríobh agus beidh clár bhailí agat. Ach is féidir é scríobh ar bhealach i bhfad níos inléite le lúibíní agus spás bhán:

Más mó (a fá b) ná (c fá d)
dean e
é sin nó
déan f

Is é an gnáth nós ná
  1. Línte cód a bhfuil baint acu le chéile a scaradh ó línte eile le líne folamh. i. Altanna a úsáid, mar a bheadh in ábhar scríofa.
  2. Feidhm a bhaint as bearnú chun an leibhéal feidhme a chuir in iúl.
  3. Spás a fhágáil thart ar oibreoirí dénártha (*, /,+,- agus rl)
Ach fainic má bhaineann tú feidhm as táib chun bearnú a dhéanamh. (Comhartha ASCII 0x09 de réir an tsean reacht). Ní gá go mbeadh comhionann an líon spásanna i gceist le táb ar chóras dhuine eile. Mar sin, is fearr táb a sheachaint, nó ar a laghad, feidhm a bhaint as eagarthóir a thiontaíonn táib go líon airithe spásanna agus an comhad a shábháil.
Má déantar faillí i rud mar seo, beidh an clár a bhí leagtha amach go gleoite, dar leat, ina ghiobail doléite dar leis an té a thagann i do dhiaidh!

Níl i spás bán agus lúibíní ach cuid den scéal. Agus i leor sin de racht anocht.

Tá léargas chuimsitheach ar conas praiseach cheart a dhéanamh anseo

4 comments:

MBM said...

Mo léan thú má bhíonn ort cód daoine eile a léamh go minic. Is fuath liomsa é. Is fuath liom mo chód féin a léamh, fiú! ;-)

aonghus said...

I bhfad ró mhinic.

Baineann sé le mo líne oibre faoi láthair.

Gerry said...

Cosúil le gach céardaí, ní mhór bheith slachtmhar i do chuid oibre. Is deachair an iomad nótaí tráchtaí a chur isteach i ríomhchlár agus tá rialacha faoi leith ag baint le sin -- m.sh. /* .... */.

Tá a lán daoine tógha le MSWord, agus déanann siad a dhearadh amach féin ar dhoiciméid agus is minic a n-úsáidtear an t-eochair táib nó an t-eoachair spáis chun é sin a dhéanamh. Ach má aistrítear go pacáiste eile, bíonn an chód a léiríonn as spás bán sin go léir sa tslí.

Ar an láimh eile, b'fhéidir go bhfuil tú ag tagairt ar chonas an chód a cheilt ionas nach ghoidfear do shaothaoir.

aonghus said...

Nílim.

Ag cur i gcoinne a leithéidí de dhroch nósanna a bhí mé!