10 August 2010

Blúirín: Bean i gCochall

Alt spéisiúil ag Máiréad Ní Chinnéide maidir leis an gcosc ar an mBurca sa bhFrainc.

As ceist pholaitiúil a dhéanamh as caitheamh an burqa táthar ag gríosú pobail, a bhraitheann iad féin faoi leatrom cheana féin, chun cos a chur i dtaca agus dúshlán an choisc a thabhairt.

Agus ní sa Fhrainc amháin a bhfuiltear ag déanamh ceist pholaitiúil as feisteas na Moslamach. Ta cosc curtha cheana ar an burqa sa Bheilg agus reachtaíocht á hullmhú san Ísiltír. Ar 20ú Iúil vótáil parlaimint na Spáinne le móramh 21 vóta in aghaidh an choisc. De réir pobalbhreithe a rinneadh sa Bhreatain bheadh os cionn 60 faoin gcéad sa tír sin ar son dlí a achtú ina éadan.

Cén fhad go mbeadh feachtas ar bun abhus in Éirinn chun an rud céanna a dhéanamh?



Ceist mhaith. Tá deacracht ann - cén fís atá againn do phobal an Stáit? Cén fís ina bhfuiltear chun daoine a chomhshamhlú? Tá - agus bhí riamh - teannas ann idir Liberté agus Egalité; agus is deacair sainmhíniú a dhéanamh ar Fraternité; Bhíodh focal eile ag dul le mana na Réabhlóide sa bhFrainc - "où Mort" - rud a tharla minic go leor dóibh siúd a sheas in aghaidh ceannairí an Réabhlóide.

Tá an ré sin thart. Ach tá sé deacair slat tomhas a leagann síos do phobal a mhaíonn saoirse iomlán don duine aonair - chomh fada is nach mbaintear feidhm as an saoirse sin chun smaointe a scaipeadh nach nglacann na maithe agus mór uaisle leo.

Tá conair fhada romhainn.

4 comments:

Mise Áine said...

@ 'fíneáil...ar fhear a chuirfidh iachall ar a bhean, nó a iníon, é a chaitheamh.' - croí na faidhbe is ea an 'iachall' sin, ceapaim.

@ 'Tá conair fhada romhainn' - tá go deimhin.

aonghus said...

Is ea, cinnte.

Ceist eile é a chruthú.

aonghus said...

Shamhlóinn freisin go bhfuil i bhfad thar 2000 bean nó iníon ag fulaingt faoi iachall i bhfad níos measa ná burqa a chaitheamh sa bhFrainc - agus abhus.

ormondo said...

Bheinn thar a bheith amhrasach faoina cuspóirí atá taobh thiar den fheachtas go léir.

An é go bhfuil, i measc na gccuspóirí eile, namhaid choiteann á cruthú ar mhaithe leis an aontacht?

Cibé ar bith, tá laghdú mór tagtha ar na tabhartais charthanúla i dtaca leis na tuilte sa Phacastáin - mar thoradh ar an mbolscaireacht, gan dabht - ar eagla go rachadh sé go dtí "an namhaid".