27 October 2011

Iarmhaireacht

Maidin spéirghealaí. An Bodach ó dheas, an Céachta ó thuaidh. Cruinneachán na cruinne léirithe ag réaltbhuíonta. Aibhleoga eitleáin ag sciorradh tharstu. Bealach na Bó Finne ceilte ag solas sóid na sráide. Anáil á chuisniú ina ghal. Sráidbhaile tréigthe. Stad bus. Cruit ar chomaitéara ón bhfuacht.


Iarmhaireacht: Dinneen The loneliness felt at cock-crow. Luaite i sár leacht Titley aréir. Breis ar ball LCD.

10 comments:

Míshásta said...

An-fhileata. Tráthúil do shéasúr Oíche Shamhna. Tús le scéal uafáis?

aonghus said...

Tús le gnáth lá oibre! Ní raibh sé chomh huafásach sin, buíochas le Dia

Dennis King said...

“felt at cock crow” Aisteach go leor, níor airigh mise iarmhaireacht ná cian ná cumha riamh ag an am sin den lá. Nach dtagann mothúcháin mar sin ag dul faoi na gréine nó i lár na hoíche?

aonghus said...

Tagann cinnte. Ach sílim go bhfuil an alltar gar don té a chaith an oíche amuigh díreach roimh breacadh an lae. Is cinnte gurbh sin an pointe teochta is ísle pé scéal é.

Fearn said...

nach bhfuil fhios agaibh go mbíonn cockanna ag crowáil i mbéal na hoíche fosta agus bíonn siad felt??

Fearn said...

Cé hé an Bodach ó dheas?

Réaltán Ní Leannáin said...

Budge leat, a bhodaigh

Mise Áine said...

Iontach deas, a Aonghuis..:-)

aonghus said...

Ó Riain ainm eile an Bhodaigh, an tAon Éireannach san spás!

Fearn said...

GRMA, a Aonghuis.

Ach dar ndóigh nach bhfuil "Ó Grianna" ar an spéir fosta?

Níor chuala mé An Bodach a thabhairt ar an réaltbhuíon seo riamh, cé go bhfuil sé ag Ó Donaill. Níor aimsigh mé é ag an Duinníneach cé go bhfuil sé slamchúiseach i dtaobh ainmneacha na spéire.

Chuala mé Slat an Bhodaigh,( cuid de ) ceart go leor agus ba ghnáth "Banlámh agus Slat" a thabhair air, cé, is dóigh, nach é sin an réaltbuíon uile.

Beir bua