28 November 2012

Nathaíocht Oscair

Oscar Wilde, ó Wikipedia
Chonaic Dennis an alt seo agus thug mó dhúshlán ar twitter Gaeilge a chuir ar dhánfhocail móréileamh Oscar Wilde. Ainneoin go n-aontaím le hIarla a d'fhiafraigh "Cén populus? Aicme ardnósach díomhaoin Shasana?" bhain mé sult as an aclaíocht intinne. Ós rud é go dtéann giolc le gaoth, seo agaibh na torthaí.

  1. Táimid uilig san dríob ach tá radharc ar na réalta ag sciar againn.
  2. Is féidir liom seasamh in aghaidh aon rud seachas an cathú.
  3. Soinicí: fear a bhfuil praghas gach uile rud ar eolas aige ach dall ar luach rud ar bith.
  4. Is annamh an fhírinne glan agus ní bhíonn sí riamh simplí.
  5. Níl ach rud amháin níos measa ná go mbeifí ag caint fút: Ná beifí ag caint fút!
  6. An t-aon bhealach le fáil réidh le cathú ná géilleadh dó.  
  7. Saothar mallacht aosa óil.
  8. Taithí a thugann cách ar a gcuid botún féin.
  9. Tosach seirce fad saoil is ea féin-searc.
  10. Nuair a aontaíonn daoine liom, mothaím i gcónaí go gcaithfidh sé go bhfuilim mícheart.  
Le Dorothy Parker an focal scoir:
If, with the literate, I am 
impelled to try an epigram
I never try to take the credit
we all assume Oscar said it. 
Sa chás, agus mé le haos léann,
go spreagtar asam dánfhocail
ní ghlacaim riamh an creidiúint;
sílimid uilig gurbh Oscar a dúirt
Tá giorra giolc oiriúnach don nathaíocht mar seo.

4 comments:

Dennis King said...

Tá áthas orm gur chuir mé do dhúshlán! Cuirfidh mé hata an eagarthóra orm anois, mura miste leat.

4. ... ní bhíonn sí riamh simplí.

6. An t-aon bhealach le fáil réidh...

7. Saothar mallacht aosa óil.

Ró-ghonta?

9. Tosach seirce fadsaolaí is ea féin-searc.

10. ... go gcaithfidh sé...

aonghus said...

4,6, 10 leasaithe mar a mhol tú.

9. "fad saoil" curtha ann agam. (Lifelong seachas long lived)

7: Is maith liom an ghontacht. fearacht: Tosach feasa fiafraí. Folaíonn grá gráin.

Mise Áine said...

Thuig mé chuile cheann acu..:-)

ormondo said...

Maith an fear!