08 October 2009

Carcar na Leabhair

Luaigh mé ar na mallaibh go ndúradh liom "gach leabhar Gaeilge atá i gcló" a bheith ar fáil i gCartlann na Cathrach.

D'fhiosraigh mé an scéal níos doimhne, agus seo an fhreagra a fuair mé:
Tá a lán leabhar Gaeilge againn sa Leabharlann, go speisialta aon leabhar a bhfuil baint aige le Baile Átha Cliath nó le hÉireann. Caithfear na leabhair atá againn a léamh anseo sa leabharlann, mar nach bhfuil siad ar fáil ar iasacht. An bhfuil leabhar faoi leith a bhfuil suim agat ann? B'fhéidir go bhfuil sé againne, ach d'fhéadfadh go mbeadh cóip ar fáil ar iasacht i gceann eile de leabharlanna phoiblí na Cathrach.

Chun nithe a fheiscint anseo, is gá duit clárú le haghaidh cárta taighde ar dtús agus ina dhiaidh sin pé rud atá uait a iarraidh trí foirm iarratais a chomhlánú. Tá tuilleadh sonraí ar fáil ar an suíomh idirlín. Is féidir an chatalóg a chuardach ar líne chomh maith.
Is maith an méid sin, ach fágann sé sin níos fusa é iasacht leabhair i nGearmáinis ná i nGaeilge a fháil i mBaile Átha Cliath.

2 comments:

An Cainteoir Dóchais said...

Aontaím leat. Bheadh sé ar fheabhas dá mbeadh leabharlann speisialaithe Gaeilge i mBaile Átha Cliath, ceann a bheadh ar aon chéim le leabharlann Gearmáinise an Goethe-Institut, nó le leabharlann na Fraincise ag an Alliance Française. Níl jab ró-iontach á dhéanamh gnáthleabharlanna na cathracha, a fhad a bhaineann le hábhar Gaeilge.

Séamas Poncán said...

Iarsmaí ó chultúr atá imithe iad, is dócha. Nó sin an dearcadh atá acu.