03 June 2010

Blagadóireacht teilifíse

Bhuel, d'fhán mé i mo shuí déanach aréir chun toradh an tsaothair a fheiceáil ar an Imeall. Thart ar cúig nóiméad isteach sa chlár atá an mír inar ghlac Tomaí Ó Conghaile (nós*, nuacht24) agus mé féin páirt.

Is aisteach an meáin an teilifís! Níl rian dá laghad den fear a mheall an t-eolas asainn le ceisteanna stuama - Tristan Rosenstock, ná den léiritheoir (Paschal ó RedShoe) . Chaitheamar ar fad thart ar dhá uair a chloig san Músaem Náisiúnta Cló. Ní fheictear mórán de sin san sé nóiméad a mhair i ndiaidh an eagarthóireacht - gan trácht ar an dua a chaith an foireann le taighde, eagarthóireacht agus rl.

Is mór an feall nach craoltóir ceart Seirbhíse Poiblí TG Fóir - maoinithe go neamhspleách ó fhógraíocht. Ansin b'fhéidir go gcraolfaí na seoda seo de chláir déanta in Éirinn ag am a mbeadh daonra níos mó ábalta faire orthu. (Bíonn ormsa éirí ag a sé, mar sin bhí sé i bhfad i ndiaidh mó ghnáth am luí aréir!)

Thaitin an smaoineamh go mór liom an taifeadadh a dhéanamh san Músaem Náisiúnta Cló - timpeallaithe ag iarsmaí foilsitheoireachta ré atá ag druidim le deireadh. Caithifdh mé a rá gur cruinne Bailiúchán seachas Músaem mar chuir síos ar an áit: seomra lán de threalamh cló, ach fíor beagán eolas ná cúlra le feiceáil.

Agus sin mo racht go n-uige seo.

3 comments:

Séamas Poncán said...

Mar a tharla domsa ar a Imeall, fágtar an chuid is mó dá ndéantar ar lár. An raibh an chuid eile den chár as Béarla? Sin mar a bhí agus mise air - b'ait liom sin.
Ar ball, feicfidh mé air, le cúnamh Dé. An-ghnóthach le déanaí!

Seán said...

Píosa deas. Láithreán deas. Maith thú!

aonghus said...

An raibh an chuid eile den chár as Béarla?

Bhí an mír roimhe i nGaeilge; níl fhios agam faoin dara leath; d'imíos a luí!