Píosaí liom in áiteanna eile:

2008-01-21

Críoch na bPáidiní Daonlathacha?

Feicim go bhfuil scrúdú coinsiasa ar bun ag an drong úd.

Duine dá seanfhondúirí buartha nach bhfuil siad ar an dtalamh ard morálta níos mó, agus go mba cheart dóibh éirí as an rialtas, sin nó scoir ar fad.

Threig siad an talamh ard morálta na blianta ó shin, dar liom; nuair a ndeachaigh siad i Rialtas le Cathal Ó hEochaidh.

Seo dream a d'fhogair go raibh siad chun múnla polaitíochta Cogadh na gCarad a réabadh, agus íonú a dhéanamh ar pholaitíocht na hÉireann. Ach an toradh a bhí ar a ngíomhaíochta ná marbhfháisc Fhianna Fáil ar rialtas in Éirinn a dhainginiú ar feadh glúin eile.

Fine Gael is mó a bhí thíos leo - chuaigh drong an Dlí is Ord le MacDubhghaill agus a bhráithre, agus chaill Fine Gael tacaíocht.

Ó thug Dev Leigiún an Chúl Garda isteach sa pholaítíocht daonlathach i 1926 tá lár an aonaigh polaitíochta san áit ina bhfuil Fianna Fáil. Is mar sin a bheidh chomh fada agus atá mionphairtithe ar fáil dóibh; clé no deas, úsáidfear iad chun an pairtí a bhogadh san treo gur mian leis an gceannasaíocht; ach is an mionphairtí a bheidh mar cheap milleáin nuair a éiríonn cosmhuintir saighdiúrí na cinnúina corrthonach.

Is fada muid ó iomaíocht sláintiúl polaitíochta san tír seo, ná go deimhin ó iomaíocht phrionsabail.

Imíodh na PDanna! Imeacht gan teacht orthu! Níl fágtha acu pé scéal é ach beirt TD - beirt ar toghadh iad toisc iad a bheith intofa iontu féin, cuma cén meirge a bheadh in airde acu. Mary Harney toisc gurb í féin í, agus Neol Grealish toisc gur ung Bobby Molloy mar a chomharbha é.

Polaitíocht na Treibhe fós againn!

Sin mo racht go n-uige seo.