Aingeal, Deamhain agus fínscéalta an Brúnaigh

Paimfléid ag Mark Shea ag plé le úrscéal Dan Brown, a bhfuil scannán bunaithe air sna pictiúrlanna faoi láthair.

Maíonn an Brúnach go bhfuil taighde cúramach déanta aige ar a chuid ábhair. Ach níl, mar a léiríonn an leathanach seo ag CERN.

Ba chuma, ach go bhfuil aineolas forleathan ann faoin gcreidimh agus an Eaglais, agus go gcothaíonn leabhair Brown na fínscéalta dubha seo faoin naimhdeas idir Creideamh agus Eolaíocht, nuair atá a mhalairt fíor - is as an Eaglais a d'fhás an eolaíocht.

Tá an paimfléid cuimsitheach agus scríofa i stíl éadrom Mhark.

Is fiú é a léamh.

Uisce faoi thalamh.

Bhuel, tá ráiteas eisithe ag na cladhairí a rialaíonn muid maidir le taillí uisce agus scoileanna. Gearrfar costas ar scoileanna.

Anois, is acmhainn luachmhar uisce inólta. Tá costas ag baint lena scagadh, a bhailiú, a ghlanadh agus a scaipeadh. Táthar ag lorg foinse nua uisce do Bhaile Átha Cliatha abair, de bharr ganntanas a bheith ag bagairt ar an gcathair.

Mar sin, tá ciall le táillí uisce a úsáid chun iompar daoine a athrú i dtreo caomhnú uisce.

Ach is beag smacht atá ag coiste bainistíochta scoile ar úsáid uisce san scoil. Faoin Roinn Éadóchais atá sé feabhsú agus cothabháil a dhéanamh ar an foirgnimh.
Tá bunscolaíocht (in ainm is a bheith) gan chostas do thuismitheoirí. Mar sin, beidh an Rialtas ag tógaint táillí uisce le lámh amháin, agus ag bronnadh (roinnt) den airgead thar nais ar an lámh eile. Ní bheidh mar thoradh air seo ach go gcéasfar príomhoidí níos mó le maorlathas gan chéill. Cuirfear brú ar coistí bainistíochta ar oibrithe deonacha don chuid is mó iad. Déanfar dúmhál breise ar thuistí ar mhaithe le breis airgid a fháisceadh astu.

Fuair Rialtas na hÉireann maolú do theaghlaigh. Fuair Rialtas na Fraince maolú do scoileanna. Cé acu a bhí stuama?