18 December 2009

Tabharfar Imeánuéil mar ainm air, ainm a chiallaíonn: Tá Dia linn


Tá muid ag teacht níos gaire don Nollaig. Fógra an Aingil do Iósaef a bhí mar soiscéal inniu. (Matha 1:18-24) Bhí ról lárnach ag glacadh Iósaef leis an teachtaireacht seo in imeachtaí an chéad Nollaig. Agus is faoi sin an Nollag.

Bhí litir san Irish Times inné ag éileamh go gcuirfeadh an post stampaí "neamh reiligiúnacha" ar fáil don Nollag.

Cén ciall atá leis an iarracht seo Críost a bhaint as a fhéile breithe? Bhí alt mhaith ar Mercator.net ar na mallaibh faoi seo: 圣诞节 Breithlá Naofa, a tugtar san tSín aindiach ar Lá Nollag. Glacann siadsan leis mar fhéile Críostaí.

Níl dada agam ina aghaidh siúd ar mian leo rud éigin eile a cheiliúradh - sol invictus, abair. Ach tuige go mbeadh orainne ár cúis a shéanadh ar mhaithe leo?

Maitear go minic gur "bhaist" Críostaithe an Nollaig, ag athrú féile in onóir don Ghrian. Níl fhios agam féin a dhóthain chun bheith cinnte faoi sin - ach tá argóint láidir anseo nach fíor an líomhain seo.

Bainigí sult as A bhreithlá!



Grianghraif le Andreas Borchert de fhuinneog in onóir San Iósaef in Ardeaglais Thuama. Aimsithe ar Wikimedia.

2 comments:

Dennis King said...

Is plódaithe an chomharsanacht í féile lár an gheimhridh. Bhí áitritheoirí seanbhunaithe inti i bhfad ó shin (lucht Bhrú na Bóinne in Éirinn, cuir i gcás) sular chuir na Críostaithe fútha inti freisin. Agus tháinig dreamanna eile isteach in bhur ndiaidh. Féile bheag (nach bhfuil bunaithe sa Bhíobla féin) a bhí i Chanukah ar feadh i bhfad, ach is léir anois go dtug fleáchas uilig na míosa seo. i Meiriceá go háirithe, ugach nach beag dó. Agus tá Kwanzaa ann anois freisin, sna Stáit ar aon nós. Bhí an lámh in uachtar ag na Críostaithe ar feadh i bhfad agus bhí an Nollaig ar nós maighnéid ag tarraingt gach uile thraidisiún a bhí ar siúl ag an am seo den bhliain chuici féin. (An bhfuil crann Nollag nó drualus le fáil sa Bhíobla?) Anois níl san fhocal “Nollaig” in intinn a lán daoine ach ainm a chuimsíonn an fleáchas seo uilig. Beidh mé féin ag freastal ar dhinnéar “Oíche Nollag” ag teach na comharsan i gceann cúpla lá. Is Liotuánach í Ina agus beidh gach aon traidisiún a bhaineann leis an oíche seo sa Liotuáin á choimeád, mar is breá léi na traidisiúin -- ar mhaithe leo féin. Ní Críostaí í ar chor ar bith, ná a fear céile ná a mbeirt iníonacha fásta.

aonghus said...

Tá míorúilt an ola luaite sa Bhíobla i gCanóin Alexandria na Giúdach, agus dá bhrí sin san leagan a ghlacann an teaglais Chaitliceach léi freisin.

Tuigim go raibh féilte ann riamh um an trátha seo - ach - go hairithe sa Bhéarla nuair atá ainm Chríost neadaithe san ainm tá sé rud beag aisteach É a dhíbirt.

Más mian le daoine rud éigin eile a cheiliúradh, bíodh acu.

An rud atá mé ag cur i gcoinne ná an iarracht an gné Chríostaí a bhrú faoi chois - an cosc ar Bheithilíní Poiblí agus rl. An t-athainmniú, ainneoin gurbh Críostaithe móramh mór na daoine atá á cheiliúradh, ....

An tuiscint a bheadh agamsa, dála an scéil, ná gurbh "reamhmhacallaí" ar Chríost na Féilte eile, ós É lárphointe na staire. Ach tuigim go maith gurbh é sin amharc an chreidmhigh.