15 October 2009

An Geal ina orlaí tríd an Dubh....

Cheannaigh mé leabhar Alex Hijmans, Favela, sa Chafé Liteartha agus mé sa Daingean. (Mar a tharlaíonn sé, ar turas go tír dúchais Alex a léigh mé é.)

Duine misniúil, spéisiúil é Alex. Duine a chíorann ceisteanna go doimhin, agus a scríobhann go cúramach. Duine díograiseach.

Tá - mar is dual dó - sár jab déanta aige leis an leabhar seo. Scéal a aistear phearsanta, de bharr grá, go croí pobal imeallaithe. Tá léargas ann ar shaol an phobail imeallaithe gorm sa Bhrasaíl. A stair. A slí beatha. A gcreideamh - an cumasc creidimh atá acu, agus eolas fíor spéisiúil ar an creideamh a d'eascair as creidimh na hAfraice - an Candomblé.

Ainneoin go ndeir Alex gur ainchreidmheach é féin, feictear dom bá agus tuiscint a bheith aige don gCandomblé. Agus daonnacht ina chaidreamh lena leannán agus lena phobal siúd.

Eachtra amháin a d'fhan liom ach go hairithe. Freastalaí gorm i dteach caifé a d'impigh air gan a leannán a bhreith leis chun na hEorpa - go raibh daoine éirimiúla cosúil le Nilton de dhíth. Fear gorm ón Favela atá ag freastal ar an Ollscoil. Ábhar ceannaire, amach anseo.

Guím gach ráth orthu, agus súil agam do dtiocfaidh borradh faoi chumas Nilton.

Saothar chúramach, fiúntach, snasta atá sa leabhar.

7 comments:

Dennis King said...

Teideal eile le haghaidh an liosta!

Fearn said...

Sílim fhéin gurb iad bundhúchasaigh an dufair, na fíordhaoine " ar an imeall", i gcead do lucht gorm na Braisíle.

An bhfuil morán sa leabhar ina dtaobh?

aonghus said...

Níl, seachas an tionchar bheag ar Candomblé atá acu. Níor bhog sé as an Favela.

Mise Áine said...

Ar mo liosta ...:-)

Dubhaltach said...

Teideal eile ar an liosta go cinnte. go raibh maith agat as an léirmheas, ní rabhas ró-chinnte an gceannóinn an leabhar.

Cailliomachas said...

Ag súil go mór lena léamh. GRMA.

johnmodonoghue@yahoo.ie said...

Fuair mé an leabhair inniú.Tá mé ag tnúth go mór len é a leamh ag an deireadh seachtaine