Píosaí liom in áiteanna eile:

2008-06-08

Dul chun cinn na hEorpa i lámha Éireannaigh éiginnte...

Táthar ag faire orainn!

Scéalta anseo in El Pais na Spáinne agus Tagesspiegel Bheirlín.

Idir imní agus iontas orthu go bhfuil an baol ann go dteipfidh atheagar an Aontais de bharr reifreann caillte abhus. Reifreann a chaillfear, má cailltear é, de bharr a dteip siúd atá ar a son an scéal a mhíniú go soiléir.

Cáipéis tiubh lán de Bhéarlagair is ea aon Chonradh Eorpach. Is mór an trua nach bhfuil leagan chomh soiléir ar fáil agus atá ann de, abair Bunreacht na hÉireann, nó ráiteas bunaithe SAM.

Go dtí seo, rinne ár dtaidhleoirí thar barr san Eoraip - bhí tionchar againn a bhí as coibhneas ar fad lenár áireamh ná tábhacht eacnamaíochta. Bá faoi uachtaránacht na hÉireann a fíodh an chomhghéilleadh a bhí san Conradh Bunreachtúil, ar theip ar i Reifreann na Fraince agus na hÍsiltíre.

Más ar charraig na hÉireann a bhristear an togra seo, ní bheidh an oiread tionchar ag taidhleoirí na hÉireann amach anseo, agus beidh Iarthar na hÉireann ach go hairithe thíos leis.

Lá cinniúnach is ea an Déardaoin!



Aguisín 2008-0609: Scéal eile ó El Pais: agus an colúnaí ag rá nach féidir cur ar Éireannaigh glacadh leis an Conradh seo (arbh Plean B é), ach nach bhfuil sé ceart ach oiread go mbeadh diúltú na hÉireann ina cheangal ar na tíortha eile, agus go mba cheart dóibh dul ar aghaidh gan muid.

Is mór idir sin agus "Faigh socrú níos fearr" Shinn Féin. Níl socrú níos fearr ar an mbord anois, agus cinnte ní bheidh dúinne.