30 December 2009

Gluais, a mhic, gluais


Cheannaigh mo mháthair "Gluaiseacht" do mo mhac is sine. Mar is gnách le déagóirí, tá sé deacair é a spreagadh chun dea leabhair Gaeilge a léamh. Ach tá an leabhair léite agamsa. Cé go mbíonn Alan Titley ag aclú na Gaeilge go hiondúil agus é a scríobh do dhaoine fásta, ní hamhlaidh anseo. Ní "Gaeilge simplí" (pé ní é sin) atá i gceist, ach Gaeilge soléite, cuí.

Scéal ógánaigh ón Afraic, teifeach, agus a bhealach ó thuaidh go dtí an Eoraip, tír tairngire an óir ar na sráideanna, bia agus obair do chách. Mar a fuair gach teifeach riamh amach, ó aimsir an chéad chathair anall, ní hamhlaidh atá. Do gach Dic Whittington, tá na mílte gan ainm a d'éag gan cháil.

Is amhlaidh anseo freisin, agus ag deireadh a imram, is léir nach bhfuil dea chríoch i ndán don laoch. Ní luaitear logainm ar bith sa scéal - rud a chuireann leis an cumhacht. Scéal na céadta atá ann, scéal na hAoise seo. Scéal an ghluaiseacht gan sprioc insroichte. Agus ceisteanna á ardú. Tuige go bhfuil feithidí na hEorpa sách ar a nduilleoga, ag cáineadh a mbráithre as an iomarca acu a bheith ag iomrascáil san deannach?

Scéal sár mhaith, arbh fiú é a léamh. (Súil agam mo mhac a mhealladh chuige uair éigin!)


Gluaiseacht
Alan Titley
ISBN 9781857917550
An Gúm 2009

Íomhá: Gaineamhlach i Libya le Luca Galuzzi - www.galuzzi.it

1 comment:

ormondo said...

http://www.rte.ie/podcasts/2009/pc/pod-v-031209-11m43s-ansaolodheasalan.mp3

Bhíos ag éisteacht leis an agallamh thuas le Alan Titley ar na mallaibh agus é ag cur síos ar a leabhar nua.

Déarfainn go mbeidh an leabhar céanna i mo sheilbh agam uair éigin roimh dheireadh na bliana 2010!

Ar léigh tú riamh "Ag faire ar na Babaraigh" le J.M.Coetzee? Ba iontach an rud é dá mbeadh cuid de na leabhair is fearr dá bhfuil i dteangacha eile aistrithe go Gaelainn - faoi mar a dhéantaí tráth den saol.

Do cheannaigh mé "Harry Potter agus an Órchloch" cé nach leantóir de chuid Harry Potter mé - ach bainim taitneamh as é a léamh as Gaelainn.