Dhúisigh an ghrian agus cruas an talamh fúm go moch mé, agus shleamhnaigh mé amach as an bpuball d'fhonn gan cuir as do shuain an déagóra. Thug mé faoi camchuairt imeall an Oileáin, tuathal. Ar bhóithre i dtreo raic an Plassey i dtosach, ansin fán duirling agus na creaga timpeall cúl an oileáin.
Bhí an aimsir go breá.
Shiúl mé romham le fonn. Bhí an siúl ar chúl an oileáin dúshlánach go maith, ar leaca agus duirling (bhí an taoide íseal agus an ghaoth lag, nó bheadh sé i bhfad níos dúshlánaí!) Níor rug an fearthainn orm go dtí go raibh mé ar ais ar an mbóthar ar Iarthar an Oileáin. Ghearr mé isteach ón gcósta ansin toisc gur phrioc fógra maidir le tobar beannaithe m'aird.
Thart ar dhá uair an chloig a thóg an camchuairt orm. Bhí an déagóir ina dúiseacht faoi sin, agus cheannaigh muid ábhar bricfeasta san siopa. Tar éis bricfeasta chuaigh an bheirt againn ag siúl arís, suas chuig Caisleán Uí Bhriain agus ansin trasna go dtí an Plassey arís.
Ansin bhaineamar anuas an puball agus chuaigh ag feitheamh ar bhád Árainn. Bhí orainn roinnt Fudge a cheannach cois cé!
